Էռնեստ Շեփարդ
Վիկտոր Չիժիկով
«Ուոլտ Դիսնեյ»
ՈՎՔԵ՞Ր ԵՆ ՆԿԱՐԵԼ ՎԻՆԻ ԹՈՒԽԻՆ
Վինի Թուխի հետքերով մենք արդեն գնացել ենք ու լավ հիշում ենք, որ Վինիին առաջին անգամ նկարել է անգլիացի նկարիչ Էռնեստ Շեփարդը: Նա նկարազարդել էր Ալեքսանդր Միլնի՝ Վինի Թուխի մասին պատմող գրքերը: Եվ արջուկի շատ երկրպագուներ մինչև այսօր էլ լավագույնը համարում են նրա նկարազարդումները, որոնք թեկուզ այնքան էլ գունազարդ չեն, բայց չափազանց հմայիչ ու հարազատ են: Մյուսներն էլ վիճում են նրանց հետ և ասում, որ, օրինակ, մեզ քաջ ծանոթ Վիկտոր Չիժիկովի նկարազարդումներն էլ պակաս ինքնատիպ չեն: Չիժիկովն արջուկներ նկարելու իսկական մասնագետ է, սա ոչ ոք չի էլ կարող ժխտել: Չէ՞ որ նա մեր շատ սիրելի Օլիմպիական Միշայի «հայրիկն» է նաև:
Իսկ երբ եկավ մուլտֆիլմեր նկարահանելու ժամանակը, «Ուոլտ Դիսնեյ» ստուդիան իր համար որպես հիմք ընտրեց Էռնեստ Շեփարդի նկարազարդումները: Իսկ «Սոյուզմուլտֆիլմը», Չիժիկովի Վինիին և Եվգենի Լեոնովի կերպարը միախառնելով, գորշ Վինին ստեղծեց: Թե որ նկարազարդումներն են ամենից լավը, որոշեք ինքներդ: Իսկ մենք ներկայացում ենք բոլոր հեղինակների աշխատանքները՝ ահա այս հերթականությամբ.
