Սիլվեստր Ստալոնեն օգնում է իր դուստրերին բաժանվել ընկերներից: Երբ արդեն ժամանակն է դադարեցնել հարաբերությունները, «Ռեմբո»-ի աստղը ինքն է գրում այն sms-ները, որոնք նրանք ուղարկում են իրենց բոյֆրենդներին:
Giggly Squad-ի փոդքաստում նրա դուստրերը՝ 26-ամյա Սոֆիան եւ 24-ամյա Սիստինան, պատմել են, թե ինչպես է իրենց հայտնի հայրն օգնում իրենց անձնական խնդիրների հարցում։
«Հայրս գիտնական է, երբ խոսքը վերաբերում է մեր ժամադրություններին»,-ասել է Սիստինը,-«Նա գրում է մեր բաժանման հաղորդագրությունների մեծ մասը»:
Սոֆիան խորհուրդ է տվել աղջիկներին այս հարցում վստահել իրենց հայրերին՝ վկայակոչելով իր իսկ կյանքի փորձը. «Ես խստորեն խորհուրդ եմ տալիս, որ աղջիկները դիմեն իրենց հայրերին եւ խնդրեն, որ նա բաժանման տեքստ գրի, քանի որ տղամարդիկ ճանաչում են տղամարդկանց:
Սիստինի խոսքով՝ իր հայրը միշտ զսպված է պահում իրենց ընկերների հետ հանդիպելիս։ Նա հավելել է, որ հայրը «կանգնում է անկյունում» եւ «ոչինչ չի ասում… պարզապես վախեցնելու համար»։
Սոֆիան նշել է, որ իր հայրը «միշտ… սիգար է ծխում», երբ հանդիպում է իրենց երկրպագուների հետ՝ խստությունը պահելու համար։ Բայց երկու աղջիկներն էլ նշել են, որ հայրը միշտ ճիշտ է։ «Հանդիպման առաջին չորս րոպեների ընթացքում ես կարող եմ ասել՝ նա կդիմանա, թե ոչ, եւ, հետեւաբար, չեմ պատրաստվում վատնել իմ ժամանակը»,- մի անգամ ասել է «Ռոքին» իր դուստրերից մեկին։
Սոֆիան նշել է, որ «Անդիմադրելիներ»-ի աստղը, որպես կանոն, ամենից լավ վերաբերվում է Սկարլետ Ստալոնեին եւ նրա սիրային հետաքրքրություններին: «Նրան դուր են գալիս միայն քրոջս՝ Ակարլետի երկրպագուները»,-ասել է նա՝ խոսելով կրտսեր քրոջ մասին, որը ռոմանտիկ կապ ունի Մայամիի համալսարանի քոլեջի ուսանող Լուի Մասքելյե-Փեյջի հետ:
Ընտանիքին կարելի է տեսնել Paramount+-ի The Family Stallone ռեալիթի շոուում:
