ԱՄՈԹԻ և ՑԱՍՄԱՆ ՈԴԻՍԱԿԱՆԸ ։ Սրիկա Ալիևն իսկապես անցնում է բոլոր սահմանները. Նախ Արցախն էր ուզում, հիմա արդեն միլիարդավոր դոլարների փոխհատուցում, Զանգեզուր, Սևան, ընդհուպ մինչև Երևան:
Որպես փորձառու պետական գործիչ և որպես ՀՀ քաղաքացի անկարող եմ չարտահայտել իմ կոշտ դիրքորոշումը Ալիևի սպառնաշունչ հայտարարությունների վերաբերյալ, բայց մինչ այս համբերատար հետևում էի լրահոսին, հասկանալու համար այսօրվա իշխանությունները ինչ պատասխան կտան:
ԱՄՈԹ և ՑԱՍՈՒՄ,որ սեփական աթոռը մանկուրտի պես գրկածներից որևէ արժանապատիվ պատասխան չհնչեց և շատերի պես իմ սպասելիքներս ևս հոդս ցնդեցին,քանի որ օրվա իշխանությունների գերխնդիրը թերևս ամեն գնով իրենց իշխանությունը երկարաձգելու անհեռանկար հոխորտումների մեջ է։ Օրեր շարունակ կրկնում եմ քանիցս նրանց հեռանալը սոսկ ձևի և ժամանակի մեջ է, իսկ նոր ընտրություններով նոր և փորձառու, գրագետ և ուժեղ իշխանության ձևավորումը ազգային հրամայական։ Չասեք թե 16ի մեջ եմ ՈՉ,,չասեք թե պաշտոն եմ ուզում ՈՉ։ Ես այժմ ակտիվ չեմ քաղաքականության մեջ, բայց ակտիվ եմ ոգով իմ պայքարող բոլոր հայրենակիցբերի պես և որպես
Բարձրագույն պաշտոններ զբաղեցրած և կամովին այդ պաշտոններից հրաժարված մարդ (ԱԺ ՆԱԽԱԳԱՀ,ԱԽ ՔԱՐՏՈՒՂԱՐ) ամենայն պատասխանատվությամբ հայտարարում եմ կա քարերը նետելու և այն հավաքելու ժամանակը։Ցավոք, ալիևյան կլանին պարտվեցինք, որովհետև դավաճանվեց, պարտվեցինք,որորովհետև մարտնչող տգիտությունը և տկարամիտ անփորձությունը մագլցեցին վեր,պարտվեցինք ,որովհետև մի բուռ լինելով սև ու սպիտակ էինք դարձել, պարտվեցինք որովհետև … բայց միևնույնն է մեր պարտությունը ժամականավոր է, այնպես ինչպես թշնամու և նրա դաշնակիցների արյունած ավարը։
Հայ ժողովուրդը շատ ավելի մեծ փորձությունների է ենթարկվել, ավելի հզոր թշնամիներ ունեցել,բայց միշտ էլ հաղթել ու արարել է .Ուստի և հիշեք…
Կանք, պիտի լինենք ու դեռ շատանանք…..
Արթուր Բաղդասարյան
