Գյումրու բժշկական կենտրոնի փոխտնօրեն Արմեն Խաչատրյանը, գլխավոր բուժքույր Արուսյակ Գևորգյանը և վերակենդանացման բաժանմունքի ավագ բուժքույր Նելլի Հովհաննիսյանը փորձի փոխանակման նպատակով այցելել են Ֆրանսիայում գործող Simone Veil հիվանդանոց։
Այցի շրջանակներում Գյումրու ԲԿ-ի մասնագետներին ընդունել է Simone Veil հիվանդանոցի ղեկավար կազմը` տնօրենի գլխավորությամբ։
Փորձի փոխանակման շրջանակներում ուսումնասիրվել են վիրահատական բլոկի, վերակենդանացման և մյուս բաժանմունքներում աշխատանքերի կազմակերպման ֆրանսիական փորձը։
Քննարկվել են մի շարք ծրագրեր, որոնք կիրականացվեն Գյումրու ԲԿ-ում։
Գյումրու բժշկական կենտրոնը և Simone Veil հիվանդանոցը համագործակցությունն ընդլայնելու պայմանավորվածություններ են ձեռք բերել։ Առաջիկայում նախատեսվում են երկուստեք այցեր, ինչպես նաև հեռավար կազմակերպվող դասընթացներ։
Այցը կազմակերպվել է HAY ASSO բարեգործական ընկերության կողմից։
