Վիետնամում սահմանված <<լոքդաունը>> մեծացնում է սուրճի համաշխարհային մատակարարումների շուրջ մտավախությունները

Վիետնամում մեծանում են մտահոգությունները՝ կապված սուրճի համաշխարհային մատակարարումների հետ՝ հարավարևելյան ասիական երկրում շարունակվող կորոնավիրուսով պայմանավորված «լոքդաունի» ֆոնին:

Ինչպես հաղորդում է BBC News-ը, վիետնամական Հո Շի Մին արտահանման կենտրոնը շարունակում է գործել խիստ ճանապարհորդական սահմանափակումների պայմաններում, քանի որ երկրում մեծ տարածում է գտել կորոնավիրուսի նոր՝ «Դելտա» հիմնամանրէն:

Վիետնամը սուրճի ռոբուստա տեսակի խոշորագույն արտադրողն է: Ռոբուստայի հատիկների մեծածախ գներն այս տարի արդեն բարձրացել են 50 տոկոսով:

Վիետնամի Հո Շի Մին քաղաքում սահմանված մեկուսացման ռեժիմը նշանակում է, որ արտահանողների համար բարդություններ են ի հայտ գալիս ապրանքները տեղափոխելիս, այդ թվում՝ սուրճի հատիկները նավահանգիստ հասցնելիս, որտեղից այն ուղարկվում է աշխարհի տարբեր վայրեր:

Բացի այդ, վիետնամական նավահանգիստները կապող հանգույց են, որով անցնում է դեպի Չինաստան և Եվրոպա ուղարկվող ապրանքաշրջանառության ուղին:Նշվում է, որ անցյալ շաբաթ Վիետնամի տրանսպորտի նախարարն արձագանքել է հնչող մտավախութուններին և տեղական իշխանություններին հրահանգել է քայլեր ձեռնարկել՝ մեղմացնելու ոչ անհրաժեշտ սահմանափակումները ապրանքների տեղափոխումն իրականացնելու համար:

error20